自言自語11.8

**傷風了，好眼訓，好想返屋企訓，今星期好多野要做...
希望唔會病到郁唔到，又可能係我唔夠訓，所以抵抗力差左


**阿3一朝早打電話黎，佢份工可能保唔住...
唉! 點解硬係咁唔好彩呢? 希望佢大步檻過

**之前貪得意走去試食臭豆腐，又唔想加甜醬辣醬
「老細呀!我第一次食臭豆腐，但又唔鍾意甜醬同辣醬
乜都唔加會唔會好怪架?」「一舊豆腐咁的味囉!」
「咁唔該幫我加D椒鹽丫!」「椒鹽!?唔夾個喎!
不過你可以試下既。喂!阿X，幫佢加D椒鹽呀!」
「吓!?椒鹽!?」
但係臭豆腐真係好臭，勉強食完一舊，以後唔想再試了=_="

**上星期某日收工，boss打電話問我享邊，原來佢漏左條車匙
返去開門比佢，他開開心心剝左件西裝褸，換左件新褸，拎埋車匙走人
點知冇幾耐又打電話問我走遠左未，原來佢個錢包漏左享個西裝袋入面
於是我又走返上去攞件西裝落停車場比佢，仲好彩有順風車搭
終於有機會坐佢架「碌死老鼠」，即刻除鞋用腳板感受果張靚地氈