「專欄」作家 - 月巴氏

月巴氏，唔知大家識唔識佢，但我係佢FANS。
每當朝早我攞AM730，而果日又有佢D文
我會睇左佢篇文跟住丟低份報紙，臨收工先睇返份報紙

其實佢呢個「專欄」作家，唔知「專」享邊度
因為題材太彈性，寫樂評、影評、書評、寫真評、電視評
我從來就唔鍾意睇D碟評戲評，因為音樂電影都係好個人感覺的野
而且一般都好悶......
但當佢寫乜評物評的時候你又覺得佢寫的野唔只係乜評物評...
裡面間唔時會走左D哲理出黎，好有性格!

每次見到佢用D好正經的口脗黎開玩笑，就覺得好有趣
而果份並唔係搞爛GAG的幽默又唔會黎得太突兀
對比同報的專欄作家，佢特別有親切感
好似有個人同你傾緊D好輕鬆的話題，睇完心情有機會好返D
有時又會好佻皮咁從娛樂的事宜輕輕帶你反思政治或日常生活的種種

有朋友話「車!佢都係寫返佢鍾意的野遮!」
慘得過佢將一D我認為應該會好悶的戲，寫到我心郁有D想睇
咁當然，佢好多樂評書評我係冇睇晒的
(畢竟大家鍾意的音樂類型完全唔同，我亦唔鍾意推理小說)
只係，佢果D標題成日都會吸引到我去睇
有D一眼望落去就知有野睇，我即使對佢評的東西本身冇興趣
都會睇晒佢D字囉!一邊睇，一邊笑到「咔咔」聲︰

杜麗莎，請教特首怎樣正確運丹田氣

用官腔幫<<勁歌>>拆局

Confucian Confusion

一個70後看吒咤

大家千萬不要當真啊

佢唔會好似王迪詩、彭晴等等有個明顯的路線同埋佢唔會「讀者-oriented」
所以佢人氣冇咁高，但咁樣絕對唔代表佢d野唔吸引，大家明唔明我講乜?
(題外話︰我將王迪詩放左落最喜愛作家，但其實佢唔係我最喜愛的，
雖然佢寫的野都好睇；但我放落去係因為唔想大家再介紹我睇佢d作品
我有睇開架啦......)

一開始認識佢的時候，皆因佢畫WORK SUPER GUY四格漫畫
(請自行上AM730搵返創刊號)
話說呢套4格公仔唔靚，兼主角勁頹(雖然夜晚會變超人都仲係勁頹)
但係就令一眾做極都冇乜出色的打工仔(如我)極度感同身受
於是就SEND左個EMAIL讚美佢, 點知因著呢個EMAIL
傾到有機會一齊食飯，我都不知幾高興

其實佢真人又唔係好月巴，依家就唔知啦
唯一一餐飯已經係幾年前食，佢咁忙我都唔敢約佢食第二餐
尤其是初次見面我好緊張，都唔知同佢講乜好......哈哈。

我始終都冇將佢放入我最喜愛的書籍呀、作家呀果d入面
因為已經一廂情願咁將佢當左係朋友 :p