咁多眼淚到底享邊度黎?媽媽要幫我落街攞籌睇醫生，但我想自己去哦。
我唔想呢種事都要人幫我做，但我的而且確唔知邊度有診所
armarm比人地高踭鞋踩傷的右腳都好痛，喊到好攰 醫生都唔想睇啦
一停落黎，迷迷糊糊咁就訓著左，然後媽媽叫醒我去睇醫生
叫我食左個麵包，我擘大口都覺得痛，唔想食，但係我的確未食野
要維持健康的身體，所以我點都要逼自己食左個包包
喊到眼下面有好多紅點點，爆微絲血管
好似連行路的力氣都冇了，面好痛，右腳都好痛
媽媽拉住我軟垂的手手走過對我黎講同迷宮一樣的街口
醫生話係腮腺炎，果然，上個月話係牙骹發炎的黃綠靠唔住
好唔容易返到去，個頭暈到又訓著左
晚餐既粥，我只食得落一碗，佢叫我帶走怕我夜d肚餓
臨行前叫我多d黎食飯，我好唔習慣 好唔舒服
好似突然間多左個唔知享邊度黎的媽媽 唔係我媽媽的媽媽
適應唔到，我仲係好怕佢，我唔想比佢了解我，我好多野都唔知點拒絕
亦都唔想佢知道我身上發生過咩事 我仍然想自己解決自己的事情
我希望時間慢慢過去，我會可以同佢好好，但係過左半年
我仍然無法完全信任佢，我內心深處仍然好恐懼
返到屋企，爸爸問我點樣，我唔知點答...我始終背對住爸爸。
唔想佢睇到我個樣「冇食幾個月就搞成咁?」其實都有半年啦...
呢件事係一個笑話，我覺得好氣餒，所有努力都白費晒
感情、健康，所有希望都係假的，雖然我應該一早做好心理準備
一個人就一個人，食返藥就食返藥，但係去到呢一步始終都係好難過
連呃自己都做唔到，不斷將D不滿遷移落D死物度，例如電話
其實我唔係真係咁討厭部電話，係我難過，所以一直埋怨部電話
我好似好想講野，但唔知點樣講好，覺得自己裂開左，一dd咁剝落
我匿埋享廚房亂咁打電話，都唔知打比邊個好，打左又唔知講乜野
結果打親都變成講「你好嗎?我很好。」之類的無聊對白
跟住落黎就要捱過六星期的危險期嘞。我好不安喔。
有大家o係度唔使不安
回覆刪除我成日都覺得好慚愧，硬係好唔爭氣，我唔想辜負大家，但係又一而再，再而三咁......
回覆刪除唔駛覺得唔爭氣，有推動力係好，不過唔好俾咁大壓力自己。當大家再而三都繼續幫你既時候，只要心存感激就得啦。
回覆刪除有長期病就要長期睇醫生長期食藥. 要接受呢個事實. 長期病唔一定會醫得好. 唔好勉強安排一個康復的期限俾自己. 否則, 你只會一次又一次失望, 一次比一次痛苦. 樂觀正視, 勇敢面對吧.
回覆刪除唔一定會醫得好............嗎?
回覆刪除原來你也過得不好，想來早些日子還找你撒嬌，真慚愧…：(
回覆刪除其實你還有很多外力支持你康復，服藥只是其中必經的一環，別因為這樣而覺得自已"有問題"，服藥不會另你本身的價值被眨底，你的朋友不會因為你有長期病而離棄你，希望你首先不要眨底自己。
麻呂，這些年來你也給予我不少鼓勵，都很窩心的。會撒嬌的你很可愛，我喜歡! :) 謝謝你，飛吻~
回覆刪除