陶笛二三事 - 享受?

前不久說過到屯門的陶笛聚會，因「新黎新豬肉」被拍片

(早知道打扮一下才過去 >_< 前一夜才剛哭腫眼睛)

跟人合奏初接觸的樂曲感覺就好像去卡拉ok合唱只聽過一次的流行曲

句尾急收，高音沒勇氣上盡(怕笛聲太尖)

多個位置flat了。老師看過短片後讚我Well Done，我卻無法接受。

「好多位flat晒喎!?」
「你6月先開始上堂，又唔係個個星期上依家8堂都未夠，咁樣好叻架啦!」
我還是充滿懷疑。

******************************************************

「如果我唔追唔問，我就唔知自己做得好唔好囉

要比較的話，我會因應返比例黎秤返自己」

米高笑「但你d比較對象會轉架喎!」

「其實果d比較對象根本唔重要......」

芭比「因為你自己追自己囉!」

米高問「請問你呢兩個月黎學左d咩呢?」

我皺眉，把數到的幾項告訴他

他再問「咁你覺得你黎緊呢兩個月又會學到d咩呢?」

「我諗好快就會到樽頸位」眉頭皺的更深了。

「你依家要求緊自己一路向上進步喎，今日10分聽日20分後日30分

一路斜上去，穿梭機飛到上去都要打平飛啦
點解你唔可以比自己有水平線呢?」

******************************************************

記得拍片時，大家說可以稍稍隨音樂擺動，好好享受一下。
重溫片段，怎麼看都覺得自己好像在參加考試。