自言自語8.20

**我唔應該拎自己身體做實驗，呢個時候睇<< A.I. >>簡直係自虐
但我都係睇左，結果頭痛胃痛作嘔呼吸困難
想個心好返晒真係唔係咁簡單快捷
最近已經好大進步 唔能夠令自己經常好開心
唯有試下減少唔開心的時間

**身體由寒底轉緊去熱底，證明本質係痊癒緊
但係d內分泌同荷爾蒙紊亂就真係唔知點搞...
唯有試試聽順勢療法

**心愛的鼠鼠床單爛左，大大話話都差唔多用左十年
好唔捨得，但唔到我控制

**雖然依家冇特登塞爆自己D時間 但又唔知點解會咁忙
其實我真係做緊好多野咩? 我自己又唔係好覺得
我只係覺得時間嚴重唔夠用
每星期︰上堂、去媽度食飯、見朋友、做facial、飯局
隔星期/每星期︰跑步、學樂器
每月︰團體活動、陶笛聚會
持續不定期︰睇書、睇電影、烹飪、游水、練樂器(我仲想打機!)
依家烹飪、游水、跑步的次數係好少......時間表永遠都好亂
但我又唔想硬性規定自己，因為我已經比太多框框自己

**開始有人主動話我生活好充實，甚至有人用精彩去形容
但我仲係覺得依家未搵到一個定位，得個亂字