崩壞(一)

次次去到威爾斯，我就好緊張，每次同榮醫生講近況，我都只有幾句對白時間。
但係享未講到野之前我就開始緊張同驚
今次，淨係等待佢的時間已經緊張到頭痛。
平時仲可以冷靜咁講自己病況，見到醫生就連聲都震埋。
醫生話我病發，仲嚴重左，而且開始走緊第D野(?)出黎，想開多隻藥比我
我講左半句說話，醫生就話「我知，我知」我好想講完呢句話，但我明白講左都冇用。
因為佢應該真係知道，況且都唔可能一次開太重的藥
呢個份量比起我上兩次停藥後食返仲多。
我好怕佢會開到50mg比我，最後佢決定食住原本的藥觀察下情況先，亦轉介去做輔導。

本來我趕住攞藥返工，呢個時候媽媽咁arm打電話黎問我享邊度。
跟住佢鬧我，問我點解睇醫生，係米睇完又食返藥
然後又恐嚇我再食藥就以後都要食藥。
於是我又開始不受控制，好想喊啊，頭好痛啊!
右腮突然分泌好多唾液，好酸，又開始腫了，發炎了，好痛。我驚到cut左佢線。
我又開始想唔食藥，不如唔好攞，調頭走啦。頭痛到冇辦法返工啦。
佢又打電話黎，要我同佢去飲茶，我唔想去啊，但係如果唔講清楚我係冇辦法好好食藥。

結果去到無端端多左一堆人，你唔係要同我傾嗎?點解又多左一堆人?
我坐低左但完全冇辦法食野，我只係好想喊，我好想即刻講完呢件事，依家到底算點?
我好想返屋企，我右腮好痛我要睇醫生，我今日講唔到我以後都唔想再見到你。
點解丟低我咁多年突然間又要關心我? 點解佢叫我去潮州我就要去潮州?
點解我冇辦法違抗? 點解一定要得到佢的認同?